ԵՐԵՎԱՆ, ԱՊՐԻԼԻ 2, 24News
Ֆրանսիան և Մեքսիկան ողջունում են զանգվածային վայրագությունների դեպքում ՄԱԿ-ի Անվտանգության խորհրդում վետոյի իրավունքի կիրառման սահմանափակմանն աջակցելու Հայաստանի որոշումը: Սույն հայտարարությունը վկայում է նման իրավիճակներում անվտանգության խորհրդի գործունակության շահերից բխող արդյունավետ բազմակողմ համակարգի հանձնառության մասին: Այդ մասին ասվում է Ֆրանսիայի ԱԳՆ կայքում հրապարակված հայտարարության մեջ։
«Ֆրանսիան, որն ապրիլի 1-ից մեկ ամսով դառնում է Անվտանգության խորհրդի նախագահ, 2015 թվականին պարտավորություն է ստանձնել զանգվածային վայրագությունների դեպքում չդիմել վետոյի իր իրավունքին։ Այդ տարվանից մենք Մեքսիկայի հետ համատեղ առաջ ենք մղում մի նախաձեռնություն, որը ստացել է 107 պետությունների աջակցությունը։ 10-ամյակը կնշվի այս տարի ՄԱԿ-ի Գլխավոր ասամբլեայի 80-րդ նստաշրջանի բարձր մակարդակի շաբաթվա ընթացքում»,- ասված է հայտարարության մեջ:
«Ֆրանսիան, որն ապրիլի 1-ից մեկ ամսով դառնում է Անվտանգության խորհրդի նախագահ, 2015 թվականին պարտավորություն է ստանձնել զանգվածային վայրագությունների դեպքում չդիմել վետոյի իր իրավունքին։ Այդ տարվանից մենք Մեքսիկայի հետ համատեղ առաջ ենք մղում մի նախաձեռնություն, որը ստացել է 107 պետությունների աջակցությունը։ 10-ամյակը կնշվի այս տարի ՄԱԿ-ի Գլխավոր ասամբլեայի 80-րդ նստաշրջանի բարձր մակարդակի շաբաթվա ընթացքում»,- ասված է հայտարարության մեջ:
--00—ՍՊ