ԵՐԵՎԱՆ, ԱՊՐԻԼԻ 2, 24News
Ապրիլի 1-ին ԱՄՆ-ում ՀՀ դեսպան Լիլիթ Մակունցը մասնակցել է Արժույթի միջազգային հիմնադրամի կողմից՝ ԱՄՆ-ում հավատարմագրված դիվանագիտական առաքելությունների կին ղեկավարների համար կազմակերպված ընդունելությանը։ Այս մասին հայտնում են ԱՄՆ-ում ՀՀ դեսպանությունից։
Ընդունելությունը հյուրընկալել է ԱՄՀ գործադիր տնօրեն Քրիստալինա Գեորգիևան, ով անդրադարձել է գլոբալ տնտեսական մարտահրավերներին և դրանց հաղթահարման ուղղությամբ ԱՄՀ կողմից գործադրվող ջանքերին։
Քննարկման ընթացքում ընդգծվել է կանխատեսելի քաղաքական միջավայրի կարևորությունը կայուն տնտեսական զարգացման գործում։
--00—ՅՄ