ԵՐԵՎԱՆ, ԱՊՐԻԼԻ 18, 24News
Հայաստանի Հանրապետության արդարադատության նախարարության քրեակատարողական հիմնարկներում ազատազրկված անձանց առողջ ապրելակերպին և վերասոցիալականացմանն ուղղված ծրագրերի շրջանակներում շարունակվում են կազմակերպվել տարբեր ձևաչափերի միջոցառումներ։ Տեղեկանում ենք Քրեակատարողական ծառայության մամուլի հաղորդագրությունից։
Մասնավորապես՝ ՀՀ ԱՆ «Գորիս» քրեակատարողական հիմնարկի սոցիալական, հոգեբանական և իրավական աշխատանքների բաժնի նախաձեռնությամբ դատապարտյալների շրջանում կազմակերպվել է սպորտային միջոցառում՝ ձգում պտտաձողի վրա, որին մասնակցել է 26 դատապարտյալ։
«Դատապարտյալների հիվանդանոց» ՔԿՀ-ում կազմակերպվել է շաշկու մրցաշար 16 դատապարտյալի մասնակցությամբ։ Առաջին 3 հորիզոնականներն զբաղեցրած դատապարտյալները հիմնարկի պետ, արդարադատության գնդապետ Ռուբեն Խալապյանի կողմից պարգևատրվել են պատվոգրերով։
--00—ՍՊ