ԵՐԵՎԱՆ, ԱՊՐԻԼԻ 1, 24News
Հայաստանի Հանրապետությունում արձանագրվել է պետական սահմանն ապօրինի հատելու դեպքերի էական աճ։ Այս մասին նշված է ՀՀ գլխավոր դատախազության 2024 թվականի գործունեության հաշվետվության մեջ։
«2024 թվականին գրանցվել է նմանատիպ 160 դեպք այն դեպքում, երբ 2023 թվականին այդ թիվը կազմել էր 78։ Այսպիսով, պետական սահմանի ապօրինի հատումների թիվն ավելացել է 82-ով կամ 105.1 տոկոսով»,- ասված է հաշվետվության մեջ։
Ըստ դատախազության` նվազում է արձանագրվել անօրինական միգրացիայի կազմակերպման դեպքերում։ 2024 թվականին գրանցվել է 15 նման դեպք՝ 2023 թվականի 24-ի փոխարեն։ Այսինքն՝ ցուցանիշը նվազել է 9-ով։
--00—ՅՄ