ԵՐԵՎԱՆ, ՍԵՊՏԵՄԲԵՐԻ 27, 24News
Սրբազանը լիազորություն է ստացել ժողովրդի կողմից առաջնորդելու Շարժումը և սկիզբ դնելու Հայաստանի վերականգնմանը։ Պայքարի գետի հունը գծված է, բոլորը նույն նպատակին են գնում, վերջապես քաղաքական դաշտում կա գիտակցություն՝ կամ Փաշինյանը մնում է և կործանում է Հայաստանը, կամ դժվարությունները, տարաձայնությունները մի կողմ ենք դնում ու լուծում ենք Հայաստանի ապագայի հարցը։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց «Ոսկանապատ» վերլուծական կենտրոնի ղեկավար, քաղաքագետ Հրանտ Մելիք-Շահնազարյանը։
Անդրադառնալով Մայր Տաճարի վերաբացման արարողությանը Փաշինյանի և այլ բարձրաստիճան պաշտոնյաների մասնակցության մասին լուրերին, քաղաքագետը նշեց, որ հիասթափված ու վիրավորված է Եկեղեցու որոշումից․ «Իմ իմացած Հայկական Եկեղեցին դավաճանի չէր տանի ու կանգնեցնի Տաճարի սրահում, դա լուրջ հարված է, կարծում եմ, նման քայլով Եկեղեցու բարձրաստիճան հոգևորականները, նաև Վեհափառ Տերը, ցավոք, մեծ սխալ են գործել, դրա հետևանքները իրենք անպայման զգալու են։ Հոգևորականը պետք է կանգնի ճշմարտության կողքը, ոչ թե ամեն ինչի մեջ հավասարություն դնի։
Փաշինյանը մեկ նպատակով է գնում Տաճարի վերաօծմանը, որ իր ներկայությամբ հավատավոր ժողովրդի առաջ վարկաբեկի Եկեղեցին, Հայրապետին և հոգևորականությանը, խզի կապը այն մարդկանց հետ, ովքեր հույս ունեին, որ Եկեղեցին ծանր ժամանակ կհամախմբի ժողովրդին»,- ընդգծեց Մելիք-Շահնազարյանը։
Հերմինե Միքայելյան
Մանրամասները՝ տեսանյութում։
--00—ԱՊ