ԵՐԵՎԱՆ, ԱՊՐԻԼԻ 3, 24News
Հայաստանի կենտրոնական բանկը պաշտոնապես վերահաստատել է իր գործարար և ֆունկցիոնալ գործընթացների համապատասխանությունը ISO/IEC 27001:2022 միջազգային ստանդարտի պահանջներին՝ տեղեկատվական անվտանգության կառավարման համակարգի (ISMS) շրջանակում։
Ինչպես տեղեկանում ենք ԿԲ-ի տարածած հաղորդագրությունից, այն հաստատվել է AM/1021IS/0954 համարի հավաստագրով, որը տրամադրվել է International Technical Alliance (ITA) հեղինակավոր կազմակերպության կողմից՝ հավատարմագրված սերտիֆիկացման գործընթացի արդյունքներով։
«Այս հաստատումն ընդգծում է Կենտրոնական բանկի հանձնառությունը՝ պաշտպանելու հաճախորդների, գործընկերների և բոլոր շահագրգիռ կողմերի տեղեկատվությունը՝ կիրառելով լավագույն միջազգային պրակտիկաներն ու մեթոդաբանությունները»,- ընդգծված է Կենտրոնական բանկի տարածած հաղորդագրության մեջ:
--00--ԱՀ