ԵՐԵՎԱՆ, ԱՊՐԻԼԻ 2, 24News
Դատավորները, որոնք Ֆրանսիայի «Ազգային ճակատ» ծայրահեղ աջ կուսակցության խորհրդարանական խմբակցության ղեկավար Մարին Լը Պենին դատապարտել են հափշտակության մեղադրանքով և 5 տարով արգելել պետական պաշտոններ զբաղեցնել, դատավճիռ կայացնելուց հետո բախվել են մահվան սպառնալիքների: «Արմենպրես»-ի փոխանցմամբ՝ այս մասին հաղորդում է France24 պարբերականը։
Ըստ հրապարակման՝ ֆրանսիական ոստիկանությունը հետաքննություն է սկսել սպառնալիքների վերաբերյալ։
Լը Պենն իր հերթին ավելի վաղ քննադատել է դատարանի որոշումը, որով նա նաև դատապարտվել է 4 տարվա ազատազրկման, որոնցից երկու տարին՝ պայմանական, իսկ երկուսը, հնարավոր է, տնային կալանքի տեսքով։ Քաղաքական գործիչը նաև տուգանվել է 100 000 եվրոյով։
Լը Պենը և նրա «Ազգային ճակատ» կուսակցության 24 այլ պաշտոնյաներ մեղադրվում էին Եվրամիության խորհրդարանական օգնականների համար նախատեսված գումարները 2004-ից 2016 թվականներին կուսակցության աշխատակիցներին վճարելու մեջ։ Լը Պենը և նրա համախոհները հերքում են այս մեղադրանքները։
Քաղաքական գործիչը հայտարարել է, որ իր դատավճռի հարցով մտադիր է դիմել Մարդու իրավունքների եվրոպական դատարան։
--00—ՅՄ