ԵՐԵՎԱՆ, ԱՊՐԻԼԻ 3, 24News
Վիետնամի Սոցիալիստական Հանրապետության Ազգային ժողովի Վիետնամ-Հայաստան բարեկամական խմբի ղեկավար Լե Թու Հան և Վիետնամի խորհրդարանական պատվիրակությունը ՀՀ ԱԺ Հայաստան-Վիետնամ բարեկամական խմբի ղեկավար Հասմիկ Հակոբյանի, խմբի անդամներ Արուսյակ Մանավազյանի և Գեղամ Նազարյանի ուղեկցությամբ ապրիլի 3-ին այցելել են Ծիծեռնակաբերդի հուշահամալիր:
Հյուրերը ծաղկեպսակ են դրել և ծաղիկներ խոնարհել Հայոց ցեղասպանության զոհերի հիշատակը հավերժացնող անմար կրակի մոտ, հարգել Սուրբ նահատակների հիշատակը:
Նրանք եղել են նաև Հայոց ցեղասպանության թանգարան-ինստիտուտում, որտեղ ծանոթացել են Եղեռնի մասին հավաստող փաստաթղթերին ու նյութերին:
--00--ԱՀ