ԵՐԵՎԱՆ, ԱՊՐԻԼԻ 4, 24News
2018 թվականին հայ ժողովուրդը հինգշաբթի օրով հեղափոխություն է արել, որ միանգամից հայտնվի կիրակի օրում, բայց հայտնվել է չորեքշաբթի օրում։ Այս մասին իր ֆեյսբուքյան էջում գրել է պատմական գիտությունների թեկնածու Միհրան Հակոբյանը․
«Արձանագրենք, որ ժողովրդի ընկալումներում կամ Վարդան Ղուկասյանը «նախկին թալանչի» չէ կամ ժողովուրդը «նախկին թալանչիների» ու ներկա դավաճանների միջև ընտրում է «նախկին թալանչիներին»: Սա 2018-ի հայկական հեղափոխության ուղիղ դիագնոզն է: Եվ, սա վեցնոցի 7-ամյա գործունեության ուղիղ ժողովրդական գնահատականն է:
Քաղաքագիտությունն ու սոցիոլոգիան պատմության համար արդեն իսկ արձանագրել են, որ 2018-ին հայ ժողովուրդը հինգշաբթի օրով հեղափոխություն է արել, որ միանգամից հայտնվի կիրակի օրում, բայց հայտնվել է չորեքշաբթի օրում: Եվ, եթե վերափոխում լինելու է, ուրեմն ամեն ինչ պետք է սկսել այս պարզ ճշմարտությունների մասին բաց խոսելուց»:
--00—ՍՊ