ԵՐԵՎԱՆ, ՓԵՏՐՎԱՐԻ 7, 24News
«Հանրաքվեին այլընտրանք չկար, իսկ կարևորագույն հարցերի որոշողը պետք է ժողովուրդը լինի»,- 24News-ի հետ զրույցում նման տեսակետ հայտնեց «իմ քայլը» խմբակցության պատգամավոր Գևորգ Պապոյանը:
24News-ի հարցին, թե կկարողանա՞ իշխանությունը անհրաժեշտ 650 000 քվեի շեմը հատել, այդ թվից իրենք արդյո՞ք չեն «վախենում», պատգամավորը պատասխանեց. «Իշխանությունը ոչ մի բանից չի վախենում: Մենք վճռական ենք տրամադրված ժողովրդի որոշումը կյանքի կոչելու հարցում»:
Ինչ վերաբերվում է խորհրդարանական ընդդիմության՝ «Բարգավաճ Հայաստան» և «Լուսավոր Հայաստան» խմբակցությունների քվեարկությանը, Պապոյանը նշեց. «Ի տարբերություն ԼՀԿ-ի՝ ԲՀԿ-ն, ի պատիվ իրեն, հանրաքվեի որոշմանը չեզոք վերաբերմունք արտահայտեց: Իսկ ԼՀԿ-ն, փաստորեն, ընդունում է, որ ՍԴ-ում խնդիր կա, բայց ասում է՝ եկեք չլուծենք այդ խնդիրը: ԼՀԿ-ն ասում է, թե ժողովրդավարության մեջ օտարածին քար կա, բայց ասում է՝ եկեք չհանենք այդ քարը»:
Մանրամասները՝ տեսանյութում։