ԵՐԵՎԱՆ, ԱՊՐԻԼԻ 3, 24News
Քաղաքացին դիմել է ՀՀ ներքին գործերի նախարարությանն ու հայտնել, որ ցանկանում է իր 4 բելգիական հովվաշները նվիրել նախարարությանը։ Համապատասխան հարցը ներառված է կառավարության այսօրվա նիստի օրակարգում։
Հիմնավորման մեջ նշվում է, որ ՆԳՆ շնավարժության բաժնում առկա են 21 ծառայողական շներ, որոնցից 13-ը ընդգրկված են զենք-զինամթերքի, պայթուցիկ նյութերի հայտնաբերման, 2-ը՝ հետախուզական, 5-ը՝ թմրանյութերի հայտնաբերման աշխատանքներում, իսկ 1–ը՝ մայրացու։
Ծառայողական շների առկա թվաքանակը բավարար չէ ծառայության պատշաճ կազմակերպման համար և հաճախ առաջացնում է խնդիրներ։ Դրանց հաղթահարման նպատակով անհրաժեշտություն է առաջացել ավելացնել ծառայողական շների թվաքանակը։
Ըստ ուսումնասիրությունների՝ քաղաքացու կողմից որպես նվիրատվություն առաջարկված շները պիտանի են վարժեցման և ծառայողական նպատակներով օգտագործման համար, չունեն առողջական խնդիրներ։
--00—ՅՄ