ԵՐԵՎԱՆ, ԴԵԿՏԵՄԲԵՐԻ 26, 24News
Վրաստանի խորհրդարանը որոշել է դեկտեմբերի 29-ին՝ նորընտիր նախագահ Միխեիլ Կավելաշվիլիի երդմնակալության օրը, անվտանգության մակարդակը հասցնել դեղինի։ Այս մասին հայտնում է օրենսդիր մարմնի մամուլի ծառայությունը։
«Այս տարվա դեկտեմբերի 29-ին Վրաստանի նախագահի երդմնակալության արարողությունն անցկացնելու համար Վրաստանի խորհրդարանի պալատում կգործի անվտանգության դեղին մակարդակ՝ այցելուների մուտքը խորհրդարանի պալատ կսահմանափակվի»,- ասված է հաղորդագրության մեջ։
Օրենսդիր մարմինը պարզաբանել է, որ հատուկ հավատարմագրում ստանալու համար լրատվամիջոցների ներկայացուցիչները պետք է դիմեն խորհրդարան։ Շենք չեն թույլատրվի մեկ լրատվամիջոցից երկու խմբից ավելի մտնել։
--00—ՅՄ