ԵՐԵՎԱՆ, ԱՊՐԻԼԻ 3, 24News
Մեր պայքարը փորի համար չէ, արցախցու գերագույն նպատակը Արցախ հավաքական վերադարձն է, պահանջում ենք արժանապատիվ կեցություն։ Ցինիկ հայտարարություն է, թե այն կխանգարի խաղաղության օրակարգին, ամբողջ աշխարհն է խոսում մեր վերադարձի իրավունքի մասին։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ԱՀ «Արդարություն» խմբակցության պատգամավոր Մետաքսե Հակոբյանը։
Անդրադառնալով իրենց հանդեպ հնչող մեղադրանքներին և վիրավորանքներին, Հակոբյանը նշեց, որ նման բաներ գրողների մի մասը վարձատրվում է, մի փոր հացի համար վիրավորում են արցախցիներին, մի մասն էլ կրթական բավարար մակարդակ չունեն՝ սեփական վերլուծություն անելու համար։
«Դուք եք լափել Արցախն ու շարունակում եք հիմա էլ լափել Հայաստանը։ Մեր պայքարը հայրենիք վերադառնալու մասին է, երկինք էլ բարձրանան, չեն կարողանալու մեզ հետ պահել, կանգ չենք առնելու, կանգնելու ենք այն գործընթացների ակունքներում, որոնց օրակարգում կլինի արցախցիների իրավունքների պաշտպանությունը»,- ընդգծեց նա։
Հերմինե Միքայելյան
Մանրամասները՝ տեսանյութում:
--00—ԱՊ