Աննա Վարդապետյանը կրկին ԱԺ կգնա․ «Հրապարակ»

ԵՐԵՎԱՆ, ԱՊՐԻԼԻ 2, 24News 

 «Հրապարակ» օրաթերթը գրում է․ Գլխավոր դատախազ Աննա Վարդապետյանը կրկին ԱԺ կգնա՝ այս անգամ ներկայացնելու իր ղեկավարած համակարգի 2024 թ․ հաղորդումը, որը, ըստ օրենքի, ԱԺ-ն քննարկում եւ ի գիտություն է ընդունում։ Շուրջ 200 էջից 30-ը նվիրված է դատախազի միջազգային այցերին, հանդիպումներին, լուսանկարներով ցուցադրել են նրա «նվաճումները»։ 

Հաղորդման համաձայն, 2023 թ․ համեմատությամբ ոչ մեծ ծանրության հանցագործությունների դեպքերն աճել են 337-ով (2023-ին՝ 20.024), միջին ծանրության հանցագործություններինը նվազել են 595-ով  (2023 -ին՝ 12.848), ծանր հանցագործություններինը նվազել են 598-ով (2023-ին՝ 6 116 ), առանձնապես ծանր հանցագործություններն աճել են 422-ով (2023-ին՝ 1678):