ԵՐԵՎԱՆ, ԱՊՐԻԼԻ 2, 24News
Իշխանությունը հնարավոր բոլոր քայլերն արեց, որ հաղթանակ տանի, բայց փայլուն հաղթանակ տարավ ընդդիմության թեկնածուն, դա մեծ արդյունք Է։ Նողկալի վերաբերմունքն իր արդյունքը տալու է, չեն կարող մոռացվել այն ավերածությունները, որոնք իրականացրել է այս իշխանությունը։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ՀՀԿ գործադիր մարմնի անդամ Գագիկ Մինասյանը։
Բանախոսի համոզմամբ, չպետք է թույլ տալ, որ Գյումրիում երկրորդ փուլ ընտրություններ լինեն, դա շանս է իշխանության համար․
«ՔՊ-ն Գյումրիում ամեն ստոր քայլի գնալու է՝ ահաբեկելու, շանտաժ անելու, դա իրենց վարքագիծն է։ Մեծ քաղաքում համայնքապետ ունենալ և գնալ ընտրությունների, նպաստավոր կլինի իրենց համար, դրա համար ամեն ինչ կանեն, որ հաղթեն։ Չպետք է շանս տրվի իշխանությանը, որ նենգ քայլեր իրականացնեն»։
Մինասյանի խոսքով, իշխանական թիմում լրջագույն խնդիրներ կան, Փաշինյանը նոր մարդկանց է ներգրավելու․
«ՔՊ-ի նավը կործանվում է, հոգեվարքի մեջ են, իրար հետ լրջագույն խնդիրներ ունեն։ Նրանք վարկաբեկվել են, նույն մարդկանցով վախենում են գնալ ընտրությունների, նոր մարդկանց են ներգրավելու, որ մարդկանց աչքին թոզ փչեն»։
Հերմինե Միքայելյան
Մանրամասները՝ տեսանյութում: