ԵՐԵՎԱՆ, ՆՈՅԵՄԲԵՐԻ 12, 24News
ՀՀ վարչապետ Նիկոլ Փաշինյանը ժողովրդին ուղղված տեսաուղերձի ժամանակ անդրադարձել է նաև այն հարցին, թե ինչ է լինելու Հայաստանի ապաայի հետ:
«Սիրելի՛ ժողովուրդ, մեր երկիրն ունի ապագա, և մենք ամեն ինչ պիտի անենք, որ մեր այս դժվար փորձությունը դառնա այդ ապագայի կարևոր անկյունաքար, և մենք պետք է ազգովի դասեր քաղենք մեր գործած սխալներից։
Շատերը կհարցնեն՝ արդյոք այս դաժան պատերազմից հետո կարելի է խոսել լավ ապագայի մասին, այո՛, որովհետեւ այսօր աշխարհում կան նույնիսկ այնպիսի պետություններ, որոնք 20-րդ դարի ամենադաժան կապիտուլյացիաներին են ենթարկվել, բայց այսօր դասվում են աշխարհի ամենահզոր երկրների շարքում:
Նրանք դա արել են դաժան պարտությունից հետո կրթության, գիտության, արդյունաբերության ու ժողովրդավարության զարգացման վրա շեշտ դնելով, եւ սա պետք է լինի մեր առաջիկա անելիքը։ Բոլորիս կոչ եմ անում կենտրոնանալ այս անելիքի վրա՝ հանուն մեր երկիրը հզորացնելու։ Հենց սա կլինի մեր լավագույն ծառայությունը մեր նահատակների հիշատակին, մեր վիրավոր եւ հաշմանդամություն ստացած զինծառայողներին, նրանց հարազատներին»,-ասել է Նիկոլ Փաշինյանը։
Վարչապետը նաև հանրությանը կոչ է արել չտրվել սադրանքների և համախմբվել կառավարության շուրջ:
«Կառավարությունը վճռական է երկիրն այս իրավիճակից դուրս բերելու իր պատասխանատվությունն անմնացորդ կրելու գործում՝ միեւնույն ժամանակ երաշխավորելով, որ ժողովրդին պատկանող իշխանությունը որեւէ մեկը չի խլելու՝ երկիրը թալանի, կոռւոպցիայի հորձանուտ վերադարձնելու իր նպատակներն իրագործեկու համար»,-ասել է Նիկոլ Փաշինյանը:
--00—ԼՄ