ԵՐԵՎԱՆ, ՄԱՐՏԻ 9, 24News
Մարտի 9-ին, ժամը 15։59-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ներքին Չարբախ թաղամասի 9-րդ փողոցում այրվում է չոր խոտ։ Այս մասին հայտնում են ԱԻՆ-ից:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ։
Պարզվել է, որ հրդեհը բռնկվել է տներից մեկի անասնագոմի տանիքում։
Հրդեհը մեկուսացվել է ժամը 17:47-ին, մարվել՝ 20։11-ին։ Այրվել են անասնագոմի տանիքի կառուցատարրերը (մոտ 120 քմ), 800 հակ անասնակեր և մոտակայքում կայանած «ՎԱԶ-2101» մակնիշի ավտոմեքենան։
--00--ԱՀ