ԵՐԵՎԱՆ, ՓԵՏՐՎԱՐԻ 8, 24 News
Նյութեր են նախապատրաստվում փետրվարի 6-ին Կոտայքի մարզում տեղի ունեցած խոշոր ավտովթարի փաստով։ Ինչպես հայտնում է ֆոտոլրագրող Գագիկ Շամշյանը, այդ օրը, ժամը 19։10-ի սահմաններում Քանաքեռավան-Մրգաշեն ավտոճանապարհի՝ Քանաքեռավան գյուղի վարչական տարածքում բախվել են Քանաքեռավանի բնակիչներ Մաթևոս Գալստյանի վարած Mercedes մակնիշի և Վարազդատ Այվազյանի վարած Opel մակնիշի ավտոմեքենաները։
Վթարի հետևանքով, ըստ նախնական տեղեկությունների, բարեբախտաբար տուժածներ չկան, իսկ 2 ավտոմեքենաները դուրս են եկել ճանապարհի երթևեկելի գոտուց և հայտնվել դաշտում, Mercedes-ը գլխիվայր շրջվել է։
--00—ՄՀ