ԵՐԵՎԱՆ, ՀՈՒԼԻՍԻ 17, 24news
Այսօր շրջանառության մեջ է դրվել «Մեծանուն հայեր. Խաչատուր Իսկանդարյանի ծննդյան 100-ամյակ» թեմային նվիրված 1 նամականիշով միակողմանի փոստային բացիկ, տեղեկանում ենք «ՀայՓոստ»-ի տարածած հաղորդագրությունից․
Փոստային բացիկի նամականիշի վրա պատկերված է հայտնի հայ քանդակագործ, ՀՀ ժողովրդական նկարիչ Խաչատուր Իսկանդարյանը (1923-2015թթ.)՝ իր արվեստանոցի խորապատկերին:
Բացիկի ներքևի ձախ անկյունում պատկերված է Խաչատուր Իսկանդարյանի աշխատանքներից մեկը՝ «Քննարկում»-ը (1983թ.): Բացիկի վրա նաև պատկերված են «Հայ քանդակագործ», «100 ԱՄՅԱԿ» և «ԽԱՉԱՏՈՒՐ ԻՍԿԱՆԴԱՐՅԱՆ» գրառումները՝ հայերեն և անգլերեն լեզուներով:
Թողարկման օրը` 17 հուլիսի 2023թ.
Դիզայնը՝ Դավիթ Դովլաթյանի
--00—ՍՊ