ԵՐԵՎԱՆ, ԴԵԿՏԵՄԲԵՐԻ 21, 24News
ԱՄՆ-ը «տոքսիկ» հյուր է Մերձավոր Արևելքում
Ամերիկացիները գնալով ավելի «տոքսիկ» հյուր են դառնում Մերձավոր Արևելքում. ԱՄՆ պետքարտուղար Էնթոնի Բլինկենն ավարտեց իր սրընթաց բնույթի շրջագայությունը Մերձավոր Արևելքում՝ ոչ միայն առանց որևէ տեսանելի բեկում մտցնելու կամ կայուն մարդասիրական դադար ապահովելու Գազայի հատվածում, այլ նաև չկարողանալով տեղ հասցնել Իսրայելի ղեկավարությանը՝ պատերազմում մարդասիրական դադարի անհրաժեշտության մասին ուղերձը։
Միաժամանակ, Վաշինգտոնը, հրապարակային հայտարարություններ անելով անկլավի բնակիչներին օգնելու մասին, շարունակում է Իսրայելին զենք մատակարարել
Բայդենի վարչակազմը ծրագրում է Իսրայելին բազմամիլիոնանոց ռումբեր տալ, հայտնում է The Wall Street Journal-ը։ Թուրքիան, Մերձավոր Արևելքի երկրներից ամենաուժեղն արձագանքեց ամերիկյան ղեկավարության ճնշման փորձերին և Վաշինգտոնի մերձավորարևելյան քաղաքականության «երկակի ստանդարտներին»։ Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ դադարեցնում է շփումը Իսրայելի վարչապետ Բենիամին Նեթանյահուի հետ, իսկ Թուրքիայի արտգործնախարար Հաքան Ֆիդանը ընդգծված կերպով հրաժարվել է գրկախառնվելուց ԱՄՆ պետքարտուղար Բլինկենի հետ արձանագրային ձեռքսեղմումից հետո։ Նրանց հանդիպումից կադրերում երեւում է, թե ինչպես է Բլինկենը ձեռքսեղմելուց հետո փորձում գրկել Ֆիդանին՝ մի քայլ առաջ անելով, սակայն թուրք նախարարը մի փոքր հետ է կանգնում ու շարունակում սեղմել պետքարտուղարի ձեռքը։ Թուրքական Hurriyet թերթի փոխանցմամբ՝ այս արձագանքի պատճառը ամերիկյան դիվանագիտության ղեկավարի կողմից ավելի վաղ ցուցաբերած անքաղաքավարությունն էր։ Բլինքենի կողմից հենց այս տեսակի անքաղաքավարությունն ու տեղական գիտելիքների բացակայությունն էր, որ ստիպեցին ծայրահեղ կոշտ արձագանք առաջացնել ավելի վաղ Ռիադում, երբ նա նաև փորձեց գրկել Սաուդյան Արաբիայի թագաժառանգ և փաստացի կառավարիչ Մուհամմեդ բեն Սալմանին:
Բոլիվիայից մինչև Հարավային Աֆրիկա՝ ինը պետությունների իշխանություններ արդեն հետ են կանչել իրենց դեսպաններին Թել Ավիվից։ Չնայած այն հանգամանքին, որ Սպիտակ տունը տարեկան 3,8 միլիարդ դոլար է ծախսում Իսրայելին սպառազինելու վրա, և ամերիկյան երկու էսկադրիլիա են ժամանել Միջերկրական ծով՝ աջակցելու հրեական պետությանը, նախագահ Բայդենը Թել Ավիվի վրա ազդեցության այնքան էլ բավարար լծակներ չկան, որքան կարելի էր ենթադրել:
Իսրայելի վարչապետը ևս մեկ անգամ լսելով Բլինկենի «առաջարկությունները»,. բանակցություններից մեկ ժամ անց նշել է, որ Գազայում ոչ մի հրադադար չի լինելու։
Ավելի ուշ ամերիկյան ABC հեռուստաալիքին տված հարցազրույցում Նեթանյահուն հասկացրեց, որ Իսրայելը կքննարկի ռազմական գործողություններում «մարդասիրական օգնության առաքումն ապահովելու կամ Գազայի հատվածից պատանդների ազատ արձակումն ապահովելու նպատակով «փոքր մարտավարական դադարների» հնարավորությունը»։ Սակայն նա կտրականապես մերժել է պաղեստինյան անկլավում հրադադարի հաստատման մասին կոչերը։ Նա հայտարարել է, որ ապագայում Իսրայելը որոշակի ժամանակ կկրի Գազայի անվտանգության ընդհանուր պատասխանատվությունը։ Մեկնաբանելով Նեթանյահուի հայտարարությունը, Ռամալլայից գրող և քաղաքագետ Նուր Օդեն նշել է, որ իր կարծիքը հիմնված է «նախապես ձևավորված այն եզրակացության վրա, որ Իսրայելն ի վիճակի է հասնել այդ հատվածի ամբողջական զինաթափմանը»:
Հրաչյա Սարգսյան
վերլուծաբան
--00—ՅՄ