ԵՐԵՎԱՆ, ԴԵԿՏԵՄԲԵՐ 5, 24News
24News-ի տեղեկությունների համաձայն, այս պահին ստուգումներ են իրականացվում Արարատի համայնքապետարանում։ 24News-ի տեղեկություններով, գործը քննվում է Հակակոռուպցիոն կոմիտեում, ձերբակալվել են 2 հոգի։ Կոմիտեից սակայն տեղեկատվություն չփոխանցեցին։
24News-ը կապ հաստատեց Արարատի համայնքապետարանի հետ, որտեղից բաժնի աշխատակիցներից մեկը նշեց, թե իր «կոմպետենցիաների» շրջանակում չէ ստուգումների մասին հարցին պատասխանելը։ Իսկ այն տեղեկատվությանը, թե քաղաքապետ Ասլան Ավետիսյանն ու տեղակալը ձերբակալվել են, համայնքապետարանի աշխատակիցը նախ ծիծաղեց, ապա նշեց․ «Լսեք, էն ինչ հիմա դուք ասում եք, հեքիաթների բաժնից է, քաղաքապետը տեղում է»։
Մերի Մանուկյան
--00—ԱՊ