ԵՐԵՎԱՆ, ԴԵԿՏԵՄԲԵՐԻ 20, 24News
Ադրբեջանի պաշտպանության նախարար Զաքիր Հասանովն ընդունել է Թուրքիայի զինված ուժերի ցամաքային զորքերի հրամանատարության պատվիրակությանը` գեներալ-լեյտենանտ Թունջայ Ալթուղի գլխավորությամբ։
Ինչպես հաղորդում է ԱՊԱ-ն, այս մասին հայտնում է Ադրբեջանի պաշտպանության նախարարությունը։
Հասանովը գոհունակություն է հայտնել թուրք գործընկերներին Ադրբեջան այցի համար։
Հանդիպմանն ընդգծվել է փորձի փոխանակման, համատեղ վարժանքների և փոխայցելությունների կարևորությունը երկկողմ ռազմական համագործակցության հետագա ընդլայնման համար։
Կողմերը մտքերի փոխանակում են ունեցել տարածաշրջանային անվտանգության հարցերի, ռազմական համագործակցության ներկա վիճակի և փոխադարձ հետաքրքրություն ներկայացնող այլ հարցերի շուրջ։
--00—ԼՀ