ԵՐԵՎԱՆ, ԴԵԿՏԵՄԲԵՐԻ 24, 24News
Ռուբեն Հայրապետյանին նոր մեղադրանք է առաջադրվել։ Այս մասին հայտարարեց Հայրապետյանի փաստաբան Ամրամ Մակինյանը և հավելեց, որ սա քաղաքական հետապնդում է ու նոր ոչինչ չկա։
«Քրեական գործը հարուցվում է ոչ թե մարդու նկատմամբ, այլ փաստի առթիվ, սակայն այստեղ իրավիճակն այլ է։ Այս քրեական գործի շուրջ 30 հատորն ուսումնասիրությունն ինձ հիմք է տալիս միանշանակ գալ այն համոզման, ևս մեկ անգամ փաստաթղթավորված համոզվել, որ քրգործը հարուցվել է Ռուբեն Հայրապետյանի անձի նկատմամբ, այլ ոչ թե որևէ փաստի առթիվ»,- ասաց փաստաբանը։
Փաստաբանը նշեց նաև, որ առաջադրված մեղադրանքները ծիծաղելի են, և ստեղծված իրավիճակում մի բան էլ ՀՖՖ-ն է պարտք Ռուբեն Հայրապետյանին։
--00—ԼՀ