ԵՐԵՎԱՆ, ՓԵՏՐՎԱՐԻ 19, 24News
ԱՄՆ նախագահ Դոնալդ Թրամփը հայտարարել է, որ չի առարկում Ուկրաինայում եվրոպական երկրներից խաղաղապահների տեղակայմանը։ «Արմենպրես»-ի փոխանցմամբ՝ այս մասին նա ասել է Ֆլորիդայում լրագրողների հետ զրույցում:
«Եթե նրանք ցանկանան դա անել, ապա հիանալի է», - ասել է Թրամփը։
Նա հիշեցրել է, որ Փարիզն ու Լոնդոնը չեն բացառել ռուս-ուկրաինական հակամարտության ավարտից հետո խաղաղապահներ ուղարկելը։
Սպիտակ տան ղեկավարը հավելել է, որ ամերիկյան խաղաղապահ զորակազմ ուղարկելու իմաստ չի տեսնում, «քանի որ մենք հեռու ենք»։
«Բայց եթե Եվրոպան ցանկանում է մասնակցել դրան, ապա ես առարկություններ չունեմ», - եզրափակել է Թրամփը։
--00--ԱՀ