ԵՐԵՎԱՆ, ԱՊՐԻԼԻ 3, 24News
ՈւԵՖԱ-ն հրապարակել է նախորդ մրցաշրջանի Չեմպիոնների լիգայի մրցանակային ֆոնդի բաշխման տվյալները։ Ամենամեծ գումարը ստացել է մրցաշարի հաղթող «Ռեալ Մադրիդը», որը վաստակել է մոտ 139 միլիոն եվրո (154 միլիոն դոլար)։
Ընդհանուր մրցանակային ֆոնդը կազմել է ավելի քան 2 միլիարդ եվրո (2.22 միլիարդ դոլար), և այս մրցաշրջանում այն 25%-ով աճել է՝ նոր ձևաչափի ներդրմամբ։
Ամենաբարձր վարձատրվող ակումբները՝
«Ռեալ Մադրիդ» – 139 միլիոն եվրո
ՊՍԺ (կիսաեզրափակիչ) – 122.4 միլիոն
«Բորուսիա Դորտմունդ» (ֆինալիստ) – 120 միլիոն
«Բավարիա» – 120 միլիոն
«Մանչեսթեր Սիթի» (քառորդ եզրափակիչ) – 110.5 միլիոն (+5 միլիոն՝ Սուպերգավաթի խաղից)
«Բարսելոնա» (քառորդ եզրափակիչ) – 98 միլիոն
«Մանչեսթեր Յունայթեդ» (խմբային փուլից դուրս մնացած) – 61 միլիոն
«Նյուքասլ» – 34 միլիոն
«Ռոյալ Անտվերպ» (ամենացածր վարձատրվող ակումբ) – 22 միլիոն
Եվրոպա լիգայում ամենաբարձր վարձատրված թիմը եղել է Լևերկուզենի «Բայերը», որը որպես եզրափակիչում պարտվող՝ վաստակել է 41.2 միլիոն եվրո, իսկ չեմպիոն «Ատալանտան» ստացել է 34 միլիոն եվրո։
Բացի այդ, ՈւԵՖԱ-ն 25 միլիոն եվրո է փոխանցել Եվրոպական ակումբների ասոցիացիային (ECA), որը ղեկավարում է ՊՍԺ-ի նախագահ Նասեր Ալ-Խելայֆին։
Այս տվյալները հրապարակվել են ՈւԵՖԱ-ի ամենամյա ժողովի ընթացքում, որը կայացել է Սերբիայի մայրաքաղաք Բելգրադում։
--00—ՍՊ