ԵՐԵՎԱՆ, ՄԱՐՏԻ 26, 24News
Ինձ համար չի կարող այս մարդը թեկնածու լինել, ուր մնաց ընտրություններին մասնակցել կամ կազմակերպել: Այս մասին այսօր ֆեյսբուքյան ուղիղ եթերում հայտնել է ՀՅԴ Երևանի քաղաքային կոմիտեի նախագահ Սարգիս Կարապետյանը, ով Հանրապետության հրապարակի մոտակա այգում էր` դիմավորելու ՀՀ վարչապետ Նիկոլ Փաշինյանին: Կարապետյանը նշել է, որ տեղեկություններ ունի այն մասին, որ վարչապետը կրկին պատրաստվում է տեղաշարժվել իր նստավայրից երրորդ մասնաշենք:
«Եկել եմ՝ դիմավորելու տվյալ անձնավորությանը: Ով ուզում է ինձ միանալ, Նիկոլ Փաշինյանի դեմքին թքել, թող գա, Գարեգին Նժդեհի արձանի կողքին կանգնած եմ»,- ասել է նա:
Կարապետյանը ուղիղ եթերում նկարահանում էր, թե ինչ իրավիճակ է այգում, ինչպես են պատրաստվում դիմավորել Նիկոլ Փաշինյանին, թեպետ վերջինս ցանկանում է ցույց տալ` իբր ազատ է տեղաշարժվում:
Կարապետյանին ոստիկանները նախ խնդրել են լքել տարածքը, ապա բերման են ենթարկել` պետական արարողակարգը խաթարելու համար:
--00--ԱԹ