ԵՐԵՎԱՆ, ՀՈՒԼԻՍԻ 6, 24News
Ճգնաժամային կառավարման ազգային կենտրոնը հուլիսի 6-ին, ժամը 13։26-ին ահազանգ է ստացել, որ Երևանի Նուբարաշենի թռչնաբուծական ֆաբրիկայի տարածքում հրդեհ է բռնկվել։
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր են մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատների չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը։
Ըստ աղբյուրի՝ հայտարարվել է հրդեհի բարդության «1 ԲԻՍ» կանչ։
ՀՀ ԱԻՆ-ի տեղեկացմամբ՝ հրդեհը մեկուսացվել է ժամը 17։50-ին։ Ըստ նախնական տվյալների՝ այրվում է մոտ 2000 հակ անասնակեր։
--00--ԱՀ