ԵՐԵՎԱՆ, ԴԵԿՏԵՄԲԵՐԻ 17, 24 News
Դեկտեմբերի 17-ին ժամը 05:47-ին ԱԻ պետական ծառայության ճգնաժամային կառավարման կենտրոնում՝ ահազանգ է ստացվել, որ Ստեփանակերտ քաղաքի Հեքիմյան 14 հասցեում հրդեհ է բռնկվել: Նախնական տվյալներով այրվում է բնակարան:
Հրդեհաշիջման աշխատանքներ կատարելու նպատակով ժամը 05:48-ին դեպքի վայր է մեկնել փրկարար ուժերի վարչության հրշեջ փրկարարական մեկ մարտական հաշվարկ :
Բնակչության օգնություն ցուցաբերելու նպատակով կանչի վայր է մեկնել նաև արագ արձագանքման հատուկ ստորաբաժանման հերթապահ օպերատիվ խումբը:
Հրդեհը մեկուսացվել է ժամը 06:00-ին, լիամարվել` ժամը 06:15-ին:
Նախնական տվյալներով այրվել է Ստեփանակերտ քաղաքի բնակչին պատկանող բնակարանի խոհանոցի կահույքը մասնակիորեն, վնասվել է կախովի առաստաղը և լվացքի մեքենան: Հրդեհը մարվել է ձեռքի միջոցներով:
Դեպքի առթիվ ստուգումներ է իրականացնում պետական հրդեհային և տեխնիկական անվտանգության տեսչությունը:
--00—ՄՀ