ԵՐԵՎԱՆ, ՓԵՏՐՎԱՐԻ 22, 24News
Արցախի նախագահ Սամվել Շահրամանյանն այսօր` փետրվարի 22-ին կրկին հրավիրվել է Հակակոռուպցիոն կոմիտե: Նա վկայի կարգավիճակով հարցաքննվում է` հարուցված քրեական գործի շրջանակներում: 24News-ի հետ զրույցում պարզաբանեց հենց ինքը` Սամվել Շահրամանյանը:
«Ըստ Հակակոռուպցիոն կոմիտեի կողմից տրված ծանուցման, որը ես ստացել եմ փետրվարի 20-ին, այնտեղ նշված է, որ իրենք ստացել են իմ՝ 2023 թվականի նոյեմբերի սկզբին ՀՀ Գլխավոր դատախազին ուղղված գրությունը, որի մեջ խնդրել եմ՝ սոցցանցերում հայտնի դարձած այն տեղեկությունները, որ Արցախի որոշ պաշտոնյաներ խախտումներ են թույլ տվել` հիմնականում ֆինանասական ոլորտում, այդ ամենն ընդունեն որպես հանցագործության մասին հաղորդումներ և ձեռնարկեն համապատասխան քայլեր»,- մանրամասնեց Արցախի նախագահը:
Հարցին, իսկ ովքե՞ր են այդ մարդիկ, Շահրամանյանը չցանկցավ անուններ հնչեցնել. «Այս պահին չեմ ուզում կոնկրետ անուններ նշել, երևի վարույթ իրականացնող մարմինն ավելի ճիշտ կպարզաբանի այդ հարցը, բայց մեզ համար շատ կարևոր է այդ հարցերի պատասխանները ստանալ և, եթե կան մեղավորներ` պետք է պատժվեն»:
Մերի Մանուկյան
Մանրամասները՝ տեսանյութում։
--00—ՅՄ