ԵՐԵՎԱՆ, ԱՊՐԻԼԻ 3, 24News
Հավաքական անվտանգության պայմանագրի կազմակերպության (ՀԱՊԿ) միացյալ շտաբի պետ, գեներալ-գնդապետ Անդրեյ Սերդյուկովը հանդիպել է պատվիրակությունների ղեկավարների հետ՝ քննարկելու համատեղ զորավարժությունների նախապատրաստման հարցերը: Այդ մասին ՏԱՍՍ-ին հայտնել է ՀԱՊԿ միացյալ շտաբի մամուլի քարտուղար Վլադիսլավ Շչեգրիկովիչը։
Հանդիպմանը մասնակցել են Ռուսաստանի, Բելառուսի, Ղազախստանի, Ղրղզստանի, Տաջիկստանի շահագրգիռ նախարարությունների և գերատեսչությունների ղեկավարները, ինչպես նաև կազմակերպության քարտուղարությունը և Անկախ Պետությունների Համագործակցության (ԱՊՀ) Հակաահաբեկչական կենտրոնը:
Աշխատանքային հանդիպման ընթացքում քննարկվել են օպերատիվ և մարտական պատրաստության համատեղ միջոցառումների կազմակերպման արդիական հարցեր, որոնք 2025 թվականին անցկացվելու են «Մարտական եղբայրություն-2025» համատեղ օպերատիվ - ռազմավարական զորավարժության ձևով:
ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը, ամփոփելով հանդիպումը, նշել է, որ շտաբային առաջին բանակցությունները հաջող են անցել:
--00—ՍՊ