ԵՐԵՎԱՆ, ԱՊՐԻԼԻ 5, 24News
Մենք մեկ հնարավորություն ենք տալիս, ասել են 25 համարը գործում է, թող գործի, եթե չգործեց երկուշաբթի օրը մեր ասելիքը կասենք, շատ էլ որ աթոռ են զբաղեցնում, հերի'ք եղավ, բո'լ եղավ, ոչ մեկից վախենալու չունենք։ Այս մասին լրագրողների հետ զրույցում ասաց բողոքի ակցիայի մասնակիցներից մեկը։
Հիշեցնենք, որ Պռոշյան և Քասախ համայնքների բնակիչներն այսօր վաղ առավոտից փակել են Երևան-Աշտարակ ճանապարհը։ Քաղաքացիները բողոքում են տրանսպորտի 25 և 59 համարների գծերի կրճատման և նոր՝ ավելի թանկ երթուղու դեմ։ Նշենք, որ նոր երթուղին սպասարկվելու է 250 և 200 դրամ արժեքով։
«Եթե երկուշաբթի մեր հարցին դրական լուծում չտվեցին, պալատկաները խփելու ենք Նիկոլի տան առաջ, մնանք»,- ասացին բնակիչները։
--00—ՅՄ