ԵՐԵՎԱՆ, ԱՊՐԻԼԻ 5, 24News
Թուրքիայի նախագահ Ռեջեփ Թայիփ Էրդողանը ուրբաթ ասել է, որ ԱՄՆ իր այցի օրը դեռ չի նշանակված, հայտնում է Anadolu-ն։
Ստամբուլում լրատվամիջոցների հետ զրույցում նա ասել է, որ ստույգ ժամանակը, թե երբ է թուրքական կողմն աշխատանքային այց կատարելու Միացյալ Նահանգներ, դեռ որոշված չէ։
«Սակայն, միևնույն ժամանակ, իմ արտգործնախարարը (Հաքան Ֆիդանը) և առևտրի նախարարը (Օմեր Բոլաթը) կարող են ԱՄՆ-ի հետ կապված հանդիպումներ կամ ճամփորդական ծրագրեր ունենալ»։
Էրդողանը նաև հույս է հայտնել, որ «դրական մոտեցումը, որն իրենք տեսնում են Թուրքիայի նկատմամբ, կվերածվի կոնկրետ գործողությունների»։
Թուրքիայի առևտրի նախարար Օմեր Բոլաթն ուրբաթ օրը հայտարարել էր, որ Անկարան ցանկանում է բանակցել Միացյալ Նահանգների հետ՝ Դոնալդ Թրամփի հայտարարած լրացուցիչ 10 տոկոս մաքսատուրքը հանելու համար։
Թուրքիայի փոխնախագահ Ջևդեթ Յըլմազն ավելի ուշ ասել է, որ համեմատաբար ցածր 10% բազային մաքսատուրքը, որը Միացյալ Նահանգները սահմանել է Թուրքիայի նկատմամբ, կարող է օգուտ բերել թուրք արտահանողներին։