ԵՐԵՎԱՆ, ՀՈԿՏԵՄԲԵՐԻ 1, 24 News
Վրաստանի նախկին նախագահ Միխայիլ Սաակաշվիլին իրավապահ մարմինների կողմից ձերբակալվել է Վրաստանում։ Այս մասին այսօր տեղի ունեցած ճեպազրույցի ժամանակ հայտարարել է Վրաստանի վարչապետ Իրաքլի Ղարիբաշվիլին:
Վարչապետի խոսքով՝ Վրաստանի նախկին նախագահի տեղաշարժման երթուղին եղել է վրացական հատուկ ծառայությունների վերահսկողության ներքո՝ չնայած այն հանգամանքին, որ ողջ օրվա ընթացքում իշխող կուսակցությունը հայտարարում էր, թե Սաակաշվիլին Վրաստանում չէ, և թե իր կողմից հրապարակված տեսանյութերը կեղծ են:
Սաակաշվիլին ձերբակալվել է ոչ թե սահմանին, այլ արդեն երկրում, ուր ներխուժել է գաղտնի:
Ձերբակալված Սաակաշվիլիին տեղափոխել են քրեակատարողական հիմնարկ:
Ավելի ուշ հրապարակվել են Սաակաշվիլու ձերբակալման առաջին կադրերը:
--00--ԱԹ