ԵՐԵՎԱՆ, ՀՈՒԼԻՍԻ 19, 24news
Հուլիսի 18-ին, ժամը 22։01-ին Արմավիրի մարզային ճգնաժամային կառավարման կենտրոն ահազանգ է ստացվել, որ Էջմիածին քաղաքի Զվարթնոց թաղամասի Արամ Խաչատրյան փողոցում այրվում է անասնակեր: Այս մասին հայտնում է ՀՀ ներքին գործերի նախարարության փրկարար ծառայությունը։
«Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչության հրշեջ-փրկարարական ջոկատներից երեք մարտական հաշվարկ և Էջմիածնի քաղաքապետարանի կողմից տրամադրված մեկ տրակտոր ու մեկ ջրատար:
Պարզվել է, որ հրդեհը բռնկվել է Արամ Խաչատրյան փողոցի տներից մեկին հարակից անասնագոմերի մոտակայքում:
Հրդեհը մեկուսացվել է ժամը 23:22-ին, մարվել՝ հուլիսի 19-ին, ժամը 00:26-ին: Այրվել է մոտ 387 հակ անասնակեր»,- ասված է հաղորդագրության մեջ։
--00—ՅՄ