ԵՐԵՎԱՆ, ՀՈՒՆԻՍԻ 4, 24News
Այսօր՝ հունիսի 4-ին, խոշոր ավտովթար է տեղի ունեցել Արմավիրի մարզում: Ժամը 04:30-ի սահմաններում Արմավիրի մարզի բնակիչ 34-ամյա Սաղաթել Մ.-ն իր վարած «ՎԱԶ 2121» մակնիշի ավտոմեքենայով Նալբանդյան-Գետաշեն ավտոճանապարհի 2-րդ կմ հատվածում դուրս է եկել ճանապարհի երթևեկելի գոտուց, մի քանի պտույտ շրջվելով կողաշրջված հայնվել դաշտում:
Ինչպես հայտնում է ֆոտոլրագրող Գագիկ Շամշյանը, վթարի հետևանքով Սաղաթել Մ.-ն մարմնական վնասվածքներով Արմավիրի շտապօգնության բժիշկների հերթապահ խմբի կողմից նախ տեղում առաջին բուժօգնությունն է ստացել, ապա տեղափոխվել է «Արմավիր» բժշկական կենտրոն:
Դեպքի վայր են ժամանել ՀՀ ներքին գործերի նախարարության ոստիկանության Արմավիրի մարզային վարչության պետի պաշտոնակատար Հովհաննես Արիստակեսյանն ու ոստիակնության Արմավիրի բաժնի պետ Գևորգյանը:
Առավել մանրամասն՝ սկզբնաղբյուր կայքում։
--00—ԼՀ