ԵՐԵՎԱՆ, ՕԳՈՍՏՈՍԻ 5, 24News
Ռուսաստանի Անվտանգության խորհրդի քարտուղար Սերգեյ Շոյգուն աշխատանքային այցով ժամանել է Իրան։ Այս մասին, ըստ Report-ի, հայտնում է ՏԱՍՍ-ը։ Թեհրանում նա բանակցություններ կվարի Ազգային անվտանգության բարձրագույն խորհրդի քարտուղար Ալի Աքբար Ահմադիանի և Զինված ուժերի գլխավոր շտաբի պետ Մոհամմադ Բաղերիի հետ։
Բանակցություններին կքննարկվեն երկկողմ համագործակցության լայն շրջանակ և դրա ամրապնդումը՝ անվտանգության ոլորտից մինչև առևտրատնտեսական նախագծեր, ինչպես նաև գլոբալ և տարածաշրջանային անվտանգության տարբեր ասպեկտներ։
--00--ԼՀ