«Կարգո» բեռնային համալիր այցելելու անհրաժեշտություն չկա․ ՊԵԿ

ԵՐԵՎԱՆ, ՀՈԿՏԵՄԲԵՐ 4, 24News

պե

«Կարգո» բեռնային համալիր այցելելու անհրաժեշտություն չկա։ Այս մասին հայտնում են ՀՀ ՊԵԿ-ից։

▪️Նախկինում քաղաքացիները պարտադիր այցելում էին «Կարգո»՝ մաքսային հսկողության նպատակով պահված առաքանիներն ստանալու համար:

Հիմա մաքսային մարմնի հետ կապը հաստատվում է առցանց։

▪️Նախկինում առաքանիները ոչ անձնական օգտագործման ապրանքներ դիտարկվելու դեպքում, քաղաքացիները հայտարարագիրը լրացնելու համար այցելում էին «Կարգո» և դրա համար վճարում մաքսային միջնորդին: 

Հիմա հայտարարագիրը քաղաքացու փոխարեն կարող է լրացնել մաքսային մարմինը՝ առցանց և անվճար։

▪️Նախկինում «Կարգո»-ից ապրանքը դուրս բերելու համար քաղաքացին գումար էր վճարում: 

Հիմա դրա անհրաժեշտությունը չկա. մաքսային մարմինն առաքանիները տրամադրում է փոխադրող ընկերությանը՝ պատվիրատուի հասցեով առաքելու նպատակով։

--00—ԼՀ