ԵՐԵՎԱՆ, ՀՈԿՏԵՄԲԵՐԻ 13, 24News
Այսօր՝ հոկտեմբերի 13-ին, ավտովթար է տեղի ունեցել Կոտայքի մարզում։ Ժամը 10։00-ի սահմաններում Արամուս բնակավայրի Ջրմուղի և Կենտրոնական փողոցների խաչմերուկում բախվել են Կոտայքի մարզի բնակիչներ 57-ամյա Գառնիկ Մ․-ի վարած «Volkswagen Golf» մակնիշի և 48-ամյա Արմեն Վ․-ի վարած «Ford Transit» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, օպերատիվորեն դեպքի վայր ժամանած Աբովյանի շտապ օգնության բժիշկների հերթապահ խումբը տեղում վարորդներին ցուցաբերել է բժշկական օգնություն, ովքեր հրաժարվել են հիվանդանոց մեկնելուց։
Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում։
--00—ՅՄ