ԵՐԵՎԱՆ, ԴԵԿՏԵՄԲԵՐԻ 2, 24News
Դեկտեմբերի 1-ին, ժամը 19:12-ին Ճգնաժամային կառավարման ազգային կենտրոն ահազանգ է ստացվել, որ Երևանի Նորագավիթի ՃՈ նախկին հենակետի մոտակայքում տեղի է ունեցել ՃՏՊ, կա տուժած․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Արտաշատի խճուղու թիվ 78 տան մոտակայքում բախվել են «Nissan Tiida» (վարորդ` Վ. Գ., ծնված 2004 թ․) և «Nissan X-Trail» (վարորդ` Հ. Խ., ծնված 1989 թ․) մակնիշների ավտոմեքենաները։
Մինչ փրկարարների կանչի վայր հասնելը՝ «Nissan X-Trail» մակնիշի ավտոմեքենայի վարորդը, «Nissan Tiida» մակնիշի ավտոմեքենայի ուղևորներ Ա. Կ.-ն (ծնված 1981 թ․) և Ս. Կ.-ն (ծնված 2007 թ․) հոսպիտալացվել են բժշկական կենտրոն:
Փրկարարները հոսանքազրկել են ավտոմեքենաները և փակել գազի բալոնների փականները։
--00—ՅՄ