ԵՐԵՎԱՆ, ԱՊՐԻԼԻ 9, 24News
Իսրայելը չի ստացել ԱՄՆ-ից սպասված աջակցությունը Սիրիայի մասնատման հարցում, կարծում է Թուրքիայի ռազմաօդային ուժերի պաշտոնաթող գնդապետ, նախկին ռազմական կցորդ, թուրքական Vatan («Հայրենիք») կուսակցության կենտրոնական կոմիտեի անդամ Իհսան Սեֆան։
Իսրայելի վարչապետ Բենիամին Նեթանյահուն երեքշաբթի ասել է, որ ինքը կդիմի Միացյալ Նահանգներին, եթե անհրաժեշտ լինեն միջնորդական ջանքեր Սիրիայում Թուրքիայի հետ հնարավոր հակամարտությունը լուծելու համար։ Նախկինում Իսրայելի իշխանությունները բազմիցս հայտարարել են, որ թույլ չեն տա զինված կազմավորումների առաջացումը Սիրիայի հարավում։ Իսրայելի ռազմաօդային ուժերը նաև վերջին ամիսներին բազմիցս հարձակվել են Սիրիայում ռազմական ենթակառուցվածքների վրա:
«Իսրայելը չի ստացել ԱՄՆ-ից սպասված աջակցությունը Սիրիայի մասնատման հարցում: Միակ ուժը, որը կստիպի քրդական զինված խմբավորումներին կատարել Ահմեդ ալ-Շարաայի կառավարության հետ պայմանավորվածությունը և ինտեգրվել Սիրիային, դա թուրքական բանակն է: Սա լավագույն պահն է երկաթե բռունցք ցույց տալու համար, և եթե անհրաժեշտ լինի, այս բռունցքը նաև նախազգուշացում կծառայի Իսրայելի կառավարությանը»,- ասել է Սեֆանը:
--00—ՅՄ