ԵՐԵՎԱՆ, ՀՈւՆՎԱՐԻ 9, 24News
ԱԺ «Իմ քայլը» խմբակցության պատգամավոր Սոֆյա Հովսեփյանը, որը հայտարարել էր խմբակցությունից դուրս գալու մասին, ֆեյսբուքյան իր էջում գրել է․
«Հարգելիներս, մամուլում լուր է տարածվել այն մասին , որ երեկ ՝ իմ հայտարարությունից հետո, Մեծ Մանթաշ գյուղի բնակիչները հսկում են իմ հայրական տունը և իմ անվտանգությունը :
Նման բան չի եղել և որպես կանոն իմ խնդիրներին մասնակից չեմ դարձնում որևէ մեկին և չունեմ սովորություն անհանգստացնելու կամ ծանրաբեռնելու իմ շրջապատին և ինձ սիրող ու գնահատող մարդկանց :
Ինձ հետ ամեն ինչ կարգին է , ես ապրում եմ նույն կերպ՝ ինչպես միշտ :
Ներողություն եմ խնդրում զանգերի մեծ մասին չպատասխանելու համար
Ես իմ երկրում երբեք չեմ վախեցել, չեմ վախենում, չեմ էլ վախենալու:
Պապս կասեր «Դավեն նստողը կուզեկուզ ման չի գա»։
--0--ԿԿ