ԵՐԵՎԱՆ, ՀՈՒԼԻՍԻ 18, 24news
ՆԱՏՕ-Վրաստան Էական փաթեթի (SNGP) ռազմական ոստիկանության նախաձեռնության շրջանակներում Վրաստանի պաշտպանության նախարարության (ՊՆ) ռազմական ոստիկանության վարչության արևելյան և արևմտյան գումարտակների երկու դասակները ցուցադրական դաշտային-իրավիճակային վարժանքներ են անցկացրել, հաղորդում է ՊՆ-ն, փոխանցում է Aliq.ge-ն։
Ըստ հաղորդագրության՝ սիմուլացիոն սցենարի համաձայն, ռազմական ոստիկանության բրիգադներն օպերացիա են իրականացրել՝ աջակցելու նպատակով VIP-ի անվտանգ տեղաշարժին, տարհանել են, կանգնեցրել և կալանավորել են կասկածելի մեքենան։
Երկշաբաթյա ուսուցումը ղեկավարում էին ՆԱՏՕ-ի բազմազգ ռազմական ոստիկանության գումարտակի անդամ երկրների ինը հրահանգիչներ։ Զորավարժությունների նպատակն էր պարզել Վրաստանի ռազմական ոստիկանության դասակների համատեղելիությունը ՆԱՏՕ-ի MNMPBAT գումարտակի հետ և նրանց պատրաստակամությունը միանալու ՆԱՏՕ-ի բազմազգ ռազմական ոստիկանության գումարտակին։
Մանրամասն՝ սկզբնաղբյուր կայքում։
--00—ՅՄ