ԵՐԵՎԱՆ, ՄԱՐՏԻ 5, 24News
ՀՀ չորրորդ նախագահ Արմեն Սարգսյանը Վազգեն Սարգսյանի 65-ամյակի առթիվ ուղերձ է հղել:
«Հայաստանի ազգային հերոս, սպարապետ Վազգեն Սարգսյանն այսօր կդառնար 65 տարեկան:
Վազգենն իր ողջ կյանքն ապրեց ու գործեց որպես նվիրյալ մարդ, իր ժողովրդի արժանապատիվ զավակ, զինվոր, մտավորական, գրող, հրապարակախոս, պետական այր...
Ջերմությամբ եմ հիշում հանդիպումներն ու զրույցները Վազգենի հետ: Եվ ամեն անգամ իմ դեմ հառնում են նրա հզոր ու լուսավոր կերպարը, շռայլ հոգին, համարձակ, հաճախ հանդուգն բնավորությունը, և, իհարկե, զրնգուն ծիծաղը...
Ծնունդդ շնորհավոր, Վազգեն:
--00—ՅՄ