ԵՐԵՎԱՆ, ՀՈՒԼԻՍԻ 21, 24News
Համաշխարհային ՏՏ խափանումը, որը կապված է կիբերանվտանգության CrowdStrike ընկերության աշխատանքի հետ, ազդել է Windows օպերացիոն համակարգով աշխատող սարքերի վրա, հայտնել է Microsoft-ը:
Ընկերության հաշվարկով՝ խոսքը մոտ 8,5 միլիոն սարքի մասին է։
«Չնայած տոկոսը փոքր էր, սոցիալական և տնտեսական զգալի ազդեցությունը ցույց է տալիս, որ CrowdStrike-ն օգտագործվում է կարևոր ծառայություններ մատուցող կազմակերպությունների կողմից», - ասվում է Microsoft-ի բլոգում:
Ընկերությունը նշում է, որ ծրագրային ապահովման թարմացումները «երբեմն խափանումներ են առաջացնում», սակայն ընդունում են, որ այս մասշտաբի խափանումը հազվադեպ երևույթ է:
Ամերիկյան կորպորացիան նշել է, որ միջադեպն ուղղակիորեն չի առնչվում Microsoft-ի աշխատանքին, քանի որ ձախողումը տեղի է ունեցել CrowdStrike ծրագրային ապահովման թարմացման պատճառով։ Այնուամենայնիվ, կորպորացիան աշխատել է լուծել խնդիրը, քանի որ այն ազդել է իր էկոհամակարգի վրա:
Հիշեցնենք՝ հուլիսի 19-ին, աշխարհի բազմաթիվ ընկերությունների Windows համակարգերը դադարեցրել են աշխատանքը: Պատճառը CrowdStrike-ի ծրագրի թարմացումներից մեկի թերությունն էր։
--00—ՅՄ