ԵՐԵՎԱՆ, ՍԵՊՏԵՄԲԵՐԻ 16, 24News
Իսպանիայի առաջնության 5-րդ տուրի խաղում «Ատլետիկոն» սեփական հարկի տակ հաղթեց «Վալենսիային»՝ 3-0:
Հանդիպման հաշիվը 39-րդ րոպեին բացեց Կոնոր Գալագերը։ 54-րդ րոպեին Անտուան Գրիզմանը մեծացրեց տանտերերի առավելությունը, իսկ ավելացված ժամանակում հաշիվը ջախջախիչ դարձրեց Խուլիան Ալվարեսը։
«Ատլետիկոն» Լա Լիգայում իր անպարտելիության շարքը երկարացրեց մինչև հինգ հանդիպումների: Մադրիդյան թիմը 11 միավորով բարձրացավ մրցաշարային աղյուսակի երրորդ տեղ։ «Վալենսիան» կրեց այս մրցաշրջանի չորրորդ պարտությունը և 1 միավորով վերջին տեղում է։
Հաջորդ տուրում «Ատլետիկոն» կհանդիպի «Ռայո Վալեկանոյի» հետ, իսկ «Վալենսիան» կխաղա «Ժիրոնայի» հետ։
Աղբյուրը՝ Armsport.am:
--00—ՅՄ