ԵՐԵՎԱՆ, ՀՈԿՏԵՄԲԵՐԻ 17, 24News
Ընթացիկ տարվա 9 ամիսներին ՀՀ բանկերն արձանագրել են հիմնական ցուցանիշների աճ։ Այս մասին հայտնում է Հայաստանի բանկերի միության հանրային կապերի ծառայությունը։
Համակարգի ընդհանուր կապիտալն ավելացել է շուրջ 260 մլրդ դրամով (17․6%-ով)՝ կազմելով 1․739 մլրդ դրամ։ Ընդհանուր ակտիվներն աճել են շուրջ 959 մլրդ դրամով (10.4%-ով)՝ կազմելով 10․144 մլրդ դրամ։
Հաշվետու ժամանակահատվածում վարկային ներդրումներն ավելացել են շուրջ 727 մլրդ դրամով (14․5%-ով)՝ կազմելով 5․758 մլրդ դրամ։ Հաճախորդների նկատմամբ պարտավորություններն ավելացել են շուրջ 398 մլրդ դրամով (7․2%-ով)՝ կազմելով 5․914 մլրդ դրամ։
2024 թվականի 9 ամիսների ընթացքում բանկային համակարգն ապահովել է շուրջ 268 մլրդ դրամի շահույթ։
--00—ՅՄ