ԵՐԵՎԱՆ, ԴԵԿՏԵՄԲԵՐԻ 7, 24News
«Դեպի Եվրատեսիլ»-ի հայտագրումը սկսված է։ Այս մասին ասված է Առաջին ալիքի ֆեյսբուքյան էջում:
Հայտագրվելու համար պետք է այցելել www.eurovision.am կայք եւ լրացնել առցանց հայտադիմումը:
«Շտապե՛ք գրանցվել, քանի որ այս նախագիծը ձեր երազանքն իրականություն դարձնելու լավագույն հնարավորությունն է»,-ասվում է հաղորդագրության մեջ:
Այս տարի «Եվրատեսիլ 2025»-ի մասնակցին կընտրի հեռուստադիտողը։
Առաջին ալիքը մեկնարկում է «Դեպի Եվրատեսիլ» նախագիծը, որի հաղթողը կներկայացնի Հայաստանը «Եվրատեսիլ 2025»-ում, որը կանցկացվի Շվեյցարիայի Բազել քաղաքում:
Մրցույթին կարող են մասնակցել 2025թ. մայիսի 13-ի դրությամբ առնվազն 16 տարեկանը լրացած անձինք՝ ներկայացնելով նախկինում երբեւէ չհրապարակված եւ չհնչած մրցութային երգի վերջնական տարբերակ:
Հայտերն ընդունվում են մինչև 2025 թվականի հունվարի 10-ը:
--00—ՅՄ