ԵՐԵՎԱՆ, ՓԵՏՐՎԱՐԻ 10, 24News
Փաշինյանն արդեն ավելի բաց է խոսում պատերազմի սպառնալիքի մասին, նա աղաչում, պաղատում է, որ խաղաղության պայմանագիր կնքեն։ Նա զգուշացնում է, որ ամեն բան անում ենք խաղաղության համար, բայց նրանք ռազմատենչ պահվածք ունեն, էսկալացիայի վտանգ կա։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց Արցախի «Արդարություն» խմբակցության պատգամավոր, «Արդարություն և վերադարձ» ՀԿ-ի նախագահ Մետաքսե Հակոբյանը։
Անդրադառնալով Բաքվի դատավարություններին՝ Հակոբյանը նշեց, որ Փաշինյանը հույս ուներ, թե նրանց հետ պայմանավորվածության կգա և դատավարությունը չի օգտագործվի իրենց դեմ, բայց չհաջողվեց․
«2020 թվականի դեկտեմբերի 16-ի Արայիկ Հարությունյանի հայտարարությունը ցնցեց, նա տողատակերում շատ բան ասաց, նշեց, որ սև ու մութ ուժերն իրեն թույլ չեն տվել Սահմանադրությամբ իրականացնել իր լիազորությունները որպես գլխավոր հրամանատար։ Այդ ժամանակ ես հարցրեցի իրեն՝ Փաշինյանին նկատի ունի՞, չպատասխանեց։ Դիմեցի գլխավոր դատախազին, որ վարույթ հարուցի, պետության ղեկավարը նման բան է ասում, հետո Գուրգեն Ներսիսյանն ասաց, որ ՀՀ-ից խոչընդոտում են, որ ինքը իրականացնի քննությունը, եթե այդ ժամանակ բացահայտվեր, շատ բան պարզ կլիներ։ Բաքուն մեծ խնդրի մեջ է քաշում Փաշինյանին ու իշխանությանը, ուզում են ՀՀ-ին ագրեսոր դիտարկել», - հավելեց Հակոբյանը։
Հերմինե Միքայելյան
Մանրամասները՝ տեսանյութում։
--00—ԱՊ