ԵՐԵՎԱՆ, ԱՊՐԻԼԻ 4, 24News
Հայաստանում ֆուտբոլի վիճակը շատ վատ է, այսքան ցածր մակարդակ երբեք չի եղել, այս ամենը այսբերգի երևացող մասն է միայն, պատասխանատուն ֆուտբոլի գործող ղեկավարությունն է։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց «Փյունիկ» ՖԱ-ի նախկին սեփականատեր, գործարար Արթուր Սողոմոնյանը։
«Արմեն Մելիքբեկյանի նման թույլ ղեկավար չեմ տեսել, այդ մարդը փախչում է պատասխանատվությունից, երկրպագուներին հանդիպելու փոխարեն ոստիկաններ է ուղարկում, որ ձերբալկալեն։ Նա ինքնասիրություն չունի, վերջին խաղի ժամանակ ստադիոնում բոլորը գոռում էին՝ «Մելիքբեկյա'ն, հեռացի'ր», նա էլ ասում է՝ ես չեմ հեռանա»,- հավելեց բանախոսը։
Սողոմոնյանի կարծիքով, եթե ֆուտբոլի ղեկավարությունը չփոխվի, ֆուտբոլը կամաց - կամաց կմեռնի, ղեկավարության փոփոխության դեպքում հնարավոր է 3-4 տարում ֆուտբոլը փրկել։
Նա ընդգծեց նաև, ցավալի է, մանկապատանեկան ֆուտբոլը քանդվում է, մեր երեխաները տաղանդավոր են, բայց գործում է ծանոթ - բարեկամ սկզբունքը։
Հերմինե Միքայելյան
Մանրամասները՝ տեսանյութում:
--00—ԱՊ