ԵՐԵՎԱՆ, ՄԱՐՏԻ 8, 24News
Այսօր՝ մարտի 8-ին, արտակարգ դեպք է տեղի ունեցել Շիրակի մարզում: Ժամը 09:30-ի սահմաններում ՀՀ ներքին գործերի նախարարության ոստիկանության Պարեկային ծառայության Շիրակի մարզի գումարտակում տեղեկությւոններ են ստացվել, որ Արթիկ քաղաքի շինարարների 3-րդ շենքից քարեր են թափվել:
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ՀՀ ՆԳՆ ՓԾ Շիրակի մարզի գումարտակի պարեկները՝ գումարտակի հրամանատար Լևոն Մարտիրոսյանի, գումարտակի հրամանատարի տեղակալ Վանիկ Սաղոյանի գլխավորությամբ:
Ահազանգով ժամանել են նաև ՀՀ ՆԳՆ փրկարար ծառայության Արթիկի հրշեջ-փրկարարական ջոկատից 1 մարտական հաշվարկ:
Պարզվել է, որ 5-հարկանի շենքի 5-րդ հարկից մի քանի քարեր թափվել են:
Ըստ նախնական տեղեկությունների՝ բարեբախտաբար տուժածներ չկան:
Պարեկները սահմանազատել են տարածքը, հրշեջ-փրկարարներն էլ հեռացրել են վտանգավոր մի քանի քար:
Արդյոք այն այսօր տեղի ունեցած երկրաշարժի հետ կապ ունի, թե ոչ՝ պարզվում է:
Լուսանկարները՝ Եղիշե Պետրոսյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։